Novak Đoković je pobjedom nad Dijegom Švarcmanom u dva seta osvojio 36. masters u karijeri i ispisao stranice teniske istorije.
Đoković je savladao Švarcmana poslije sat i 52 minuta napetog tenisa – 7:5, 6:3.
Novaku je ovo peti trofej u glavnom gradu Italije, a ove godine je postao najstariji osvajač Rima ikada (33 godine).
Ujedno je osvajanjem 36. masters titule u karijeri prestigao Rafaela Nadala na vJečnoj listi, koji sada ima jedan manje.
Osvajanjem Rima nadmašio je prošlogodišnji učinak, kada je ušao u finale, te se dodatno “odlijepio” od pratioca na ATP rang listi upisavši novih 400 bodova.